الدليل الكامل لإحتراف لغة الجاڤاسكريبت
شكون فينا دبا اللي ماتايعرفش لغة الجاڤاسكريبت، اللغة الأكثر شعبية وشهرة في مجال البرمجة، قد تطور من مجرد لغة لإضافة التفاعلية لصفحات الويب إلى اقتحام مجالات البرمجة الأخرى ( تطبيقات الهواتف، تطبيقات سطح المكتب،إنترنت الأشياء، الألعاب، وكذلك الذكاء الاصطناعي..)
إذن نقدر نقولو أنها لغة شاملة لمجالات البرمجة مثلها مثل باقي اللغات المشهورة بحال جاڤا وبايثون..
ولكن أفضل إستخدام للجاڤاسكريبت كايبقى بطبيعة الحال في مجال الويب بحيث بواسطتها تقدر تكون مبرمج واجهات المستخدم ( Front-End ) بإستخدام أطر العمل ديالها الاكثر شهرة : Vue / React / Angular
كما تقدر تخدم بيها على مستوى السيرڤر وقواعد البيانات ( Back-End )
بواسطة تقنية Nodejs والأطر ديالها بحال Express و Meteor.
لذلك في هاد البوسط غادي نحط المسار الكامل بالترتيب لأي واحد باغي يولي مبرمج جاڤاسكريبت محترف.
غادي ندوي على كل مايخص الجاڤاسكريبت لتطوير صفحات الويب، بالإضافة لمصادر تعليمية.
ملاحظة : البوسط خدا مني وقت وإجتهاد شوية وكذلك إعتمدت بشكل كبير على دورات قناة Elzero web School الغنية عن التعريف حيت فعلا دروسها فالجاڤاسكريبت مميزة وماكاينش للي كاينافسها.
كانتمنى يعجبكوم وان شاء الله في قادم المنشورات غادي نحاول ندير نفس البوسط على لغات أخرى متعلقة بالويب 
نبداو على بركة الله...
1 - تعلم أساسيات لغة JavaScript :
Syntax / Variables / Data Types / Functions / Methods / Loops / Arrays..
الاساسيات هي اهم حاجة قبل كل شيء وفهاد البلايليست ديال قناة Elzero Web School
غادي تقدر تعلمهوم كاملين بطريقة بسيطة:
2 - تعلم Document Object Model :
مهم جدا تعلم DOM باش تعرف كيفاش التلاعب بعناصر صفحة الويب سواءا HTML او CSS بهدف صناعة عناصر تفاعلية .
كل شيء عن DOM غاتلقاه كذلك فنفس القناة من خلال البلايليست التالية :
3 - تعلم Browser Object Model :
اختصارا هو BOM للتحكم الكامل في صفحة الويب بحال توقيت تشغيل Functions و التحكم ف Cookies أو أي صفحة اخرى بغيتي تفتحها .
هادشي كامل موجود فنفس القناة ديال الأستاذ اسامة من خلال البلايليست التالية :
4 - تعلم ECMAScript 6 :
جافاسكريبت الجديدة كليا للي بدلات بزاف ديال الحوايج فالإصدارات القديمة و ولاو ساهلين وهي كذلك ضرورية إلى بغيتي تفهم كيفاش إطارات العمل ديال جافاسكريبت تايخدموا .
دورة زوينة فقناة Elzero Web School على ES6 عبر الرابط التالي :
5 - تعلم JavaScript OOP :
فهم نظام البرمجة كائنية التوجه فأي لغة برمجة كاينمي من قدراتك برمجيا، مفاهيم جديدة ومهمة غادي تكتاشفهوم بحال Class و Object و Construct ..وغادي تنفعك إلى بغيتي تعلم شي لغة جديدة ..
الأستاذة أسامة كذلك فالقناة ديالو دار دورة مميزة على البرمجة كائنية التوجه بالجافاسكريبت غادي تلقاها فالرابط التالي :
6 - تطبيقات عملية على الجافاسكريبت :
باش تشد مزيان داكشي كامل للي تعلمتي الأستاذ أسامة دار جوج ديال البلايليست فيهوم تمارين تطبيقية دخل ليهوم من هاد الروابط :
* رابط الدورة الأولى:
* رابط الدورة الثانية :
7 - تعلم AJAX :
بواسطة أجاكس غادي تقدر تعامل مع web servers يعني تجيب البيانات ( Data) بواسطة Requests وتخدم بها كي بغيتي بالصفحة ديالك .
غاتفهم هادشي عند الاستاذ أسامة من خلال البلايليست التالية :
8 - تعلم JSON :
اختصارا ل JavaScript Object Notation
هنا غادي تعلم معنى JSON object وكيفاش تحولو ل JavaScript Object بهدف التعامل مع ال API's للي غادي تفهم المعنى ديالها فهاد بلايليست كذلك من عند الأستاذ أسامة :
9 - تعلم إطار عمل :
أخيرا من بعد هادشي كامل ومن بعد بزاف ديال التطبيقات غادي تكون مستعد باش تبدا فتعلم احد اطارات العمل المشهورة ديال جافاساكريبت، ولكن بزاف د ناس كايحيرو اشمن اطار غايخصو يتعلم او شكون افضل واحد فيهوم ..الحقيقة ان هاد الاطارات كاملين تقدر تخدم بيهوم نفس فكرة اي موقع طاح على بالك كيفما بغا يكون ولكن الاختلاف تايكون غير فسهولة التعلم و التركيب ( syntax ) تايكون مختلف شوية بيناتهوم ..
ماكاين تا مشكل فالبداية تجربهوم كاملين وتاخد عليهوم فكرة ومن بعد غادي تختار شكون فيهوم للي مرتاح فيه ..
وهنا جبت ليكوم ثلاث فيديوهات من قناة إنجليزية مشهورة سميتها Traversy Media ..
تفرج فيهوم كاملين و طبق داكشي للي فيهوم ومن بعد خود القرار النهائي ديال اشمن واحد بغيتي تكمل فيه وتحتارفو ..
دورة ال React :
دورة ال Angular :
أما بالنسبة لدورات كاملة فتعلم هاد الاطارات باللغة العربية ف كانرشح ليكوم ثلاث دورات أخرى من قنوات مختلفة :
دورة ال React بالعربية على قناة Nour Homsi :
دورة ال Angular بالعربية من قناة Angular Army :
دورة ال Vue بالعربية من قناة GoArabGo :
10 - تعلم JavaScript Unit Testing :
مهارة إختبار الوحدات في التطبيق من بين اهم المهارات للي كاتفرق المبرمج العادي من المبرمج المحترف حيت باستخدامها غادي تقوم بفحص كامل للمشروع ديالك وتنقيه من الاخطاء والمشاكل باش يخدم بكفاءة عالية .
نرجعو لقناة Elzero Web School فيها كذلك دورة كاملة عن JavaScript Unit Testing
من خلال البلايليست التالية :
11 - تعلم Node js :
فحالة بغيتي تخدم فجزء Back end والتعامل مع قواعد البيانات بالجافاسكريبت فخاصك تعلم تقنية Node
* هادي دورة بالعربية على قناة المهندس العراقي محمد عيسى باش تكتشف هاد التقنية :
* أما بالإنجليزية فهذا فيديو كايشرحها من قناة Traversy Media :
12 - تعلم إطار عمل ل Node js :
كذلك بحال باقي لغات البرمجة تقنية نود عندها إطارات عمل وأشهرها حاليا هو إطار Express..
يمكن ليك تعلم ليه كذلك فهاد الفيديو من قناة Traversy Media :
وصلنا لنهاية مسار الجاڤاسكريبت ... هادشي كامل مايخلعكش بشويا عليك ماتزربش تعلم حاجا باش دوز لحاجة أخرى وكل حاجة عطيها واحد شهر على الأقل و طبق عليها حتى تشدها مزيان...
كانتمنى نكون ضويت الطريق لأي واحد باغي يولي مطور جافاسكريبت محترف ..👌
بقلم : Mourad EL Jayi
ليست هناك تعليقات:
إرسال تعليق